Beste norske jarnmann
Gudmund Snilstveit frå Vinnes i Fusa vart nummer fire i den fjerde utgåva av Ironman 70.3 i Haugesund i dag. Fusingen var den beste norske utøvaren.
Snilstveit vart nummer fire av totalt 1.700 deltakarar, og forsvara dermed NM-gullet frå i fjor.
Fusingen fullførde 1.900 meter med symjing, 90 kilometer på sykkelsetet og 21,1 kilometer med løping på 3 timar 58 minutt og 16 sekund.
Artikkelen held fram under annonsen.
Nm-sølvet gjekk til Lars Petter Stormo, medan heimefavoritten Allan Hovda tok bronsen.
Nicholls vann
Ritchie Nicholls frå Storbritannia vann Ironmann 2015 i Haugesund. Briten passerte målstreken like før klokka 12 med tida 3.52.03. På andreplass kom Markus Thomschke frå Tyskland. Han fullførde triatlonen på 3.53.24 timar, medan tredjeplassen gjekk til austerrikaren Paul Reitmayr, som sprang i mål 1 minutt og 47 sekund før Snilstveit.
