annonse

Då me gjekk til finalen

: Dette dukka opp i digtalarkivet. Frå turen med Os sitt lilleputt-lag til Danmark og deltaking i Dana Cup. Der var det mange lagkameratar eg ikkje har sett på lenge. Gode minne.

DIGITALARKIVET: Ein er seg sjølv nærast, er det noko som heiter. Det var i alle fall tilfellet då underteikna fekk ein snikpremiere på digitalarkivet til Os & Fusaposten, som vert lansert i dag.

Som lokalavis-redaktør burde eg nok søkt etter store, viktige, samfunnsrelaterte hendingar i Os- og Fusa-historia. Men, fyrste søkeordet vart sjølvsagt Jostein Halland. Så ærleg må eg vera. Og der dukka det opp både bursdagshelsingar, lagbilete frå tida på Søre Neset A-lag, bilete frå gatecupen på Kuventræ frå den tida eg hadde hår, og ikkje minst frå turen med Os sitt lilleputt-lag til Danmark og deltaking i Dana Cup. Der var det mange lagkameratar eg ikkje har sett på lenge. Gode minne.
Os & Fusapostens fyrste utgåve kom ut 20. juni 1987. Hausten 2016 sendte me alle avisene til Sveits for scanning. Der vart dei digitaliserte og indekserte, og i digitalarkivet kan abonnentane frå i dag av bla i alle dei nær 3.000 utgåvene av lokalavisa. Her kan du søkja på namn, hendingar, bilete, bedrifter, gratulasjonar m.m. heilt frå den aller fyrste utgåva og fram til i dag. Dette er ei digital, lokalhistorisk gullgruve som me i Os & Fusaposten er glade for å kunna gje til våre abonnentar. På denne måten kan du få heile avisarkivet heim i stova.
Og når du er ferdig med å søkja på deg sjølv og dei du kjenner, ligg det framleis ei gullgruve av lokalhistorie og ventar, med reportasjar frå kvardag og fest i Os og Fusa gjennom tre tiår.
Avisene kan lesast som eAvis på nettbrett, mobil og desktop.
God fornøyelse!
Jostein Halland

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut