Einvegstrafikk på E39 i Os

Statens vegvesen svarer på lesarbrev om dirigering av trafikken frå Halhjem om Os.

Statens vegvesen hadde ope møte om E39 Svegatjørn-Rådal i Oseana sist haust, før byggestart i Os kommune.

Frammøtet var godt, etter annonsering ma her i Os og Fusaposten og på kommunen sine heimesider. Ingen hadde spørsmål eller merknader til stengeretninga på E39 i fire månader. Det kom kommentar på kø for å kome seg ut frå kommunalt vegnett til fv.552 gjennom sentrum.

Lengre køyretid - uansett retning

Uansett stengeretning vil det ta lengre tid å køyre strekninga frå 2.mai. Anleggsarbeidet på E39 mellom Tøsdalsskiftet og Ulvenvatnet krev at vi må stenge eine køyrefeltet for å få gravd og sprengt stor nok plass til kommunal VA-leidning, samt røyr for overflatevatn og spillvatn her.

Statens vegvesen har fått utarbeidd ein trafikk-rapport for å finne beste løysinga på utfordringa med stenging av E39. Her ser ein det totale trafikkbiletet i Os, inkludert stenginga av fv.160 Ulvenvegen og omkøyring gjennom Industrivegen.

Færre luker motsett retning

Når det er fleire som nytter seg av Industrivegen, blir det færre tidsluker for trafikk på E39 som kjem sørfrå i Tøsdalsskiftet. I rusjperiodar vil trafikkavviklinga på denne armen forverra seg, og danna kø tilbake mot Svegatjørn. Berekningar viser at denne kø-oppbygginga vil bli betydeleg. Løysinga er dermed fråråda i nemnde analyse.

Den valde einvegskøyringa i retning Halhjem er den løysinga som vil gje minst konflikt mellom trafikkstraumane. Trafikken nordover om Osøyro kunne bli forseinka nokre minutt i rusjperiodar, men er vurdert til å fungere tilfredsstillande. Berekningar viser at dette heilt klart er den løysinga som totalt sett vil gje minst ulempe for trafikantane.

Best ned bakken

Tungtrafikken ville dessutan ha køyrd saktare opp Mobergsbakken, og laga ekstra kø for trafikk bak. Mykje av trafikken opp den lange bakken skulle rekke neste ferje frå Halhjem, om denne løsyinga skulle bli vald.

Lettare då for trafikk som er på veg nordover frå Halhjem - om dei brukar ekstra køyretid via fv.552 gjennom Os.

Uprøvd løysing

Stenginga og einvegskøyringa på E39 mellom Tøsdalsskiftet og Moberg har ikkje vore prøvd etter at E39 Moberg-Svegatjørn blei opna for trafikk i 2005. Også Statens vegvesen er spent på avviklinga av trafikken i perioden.

Vi vil følgje utviklinga nøye og vurdere denne undervegs. Omsynet til trygg trafikkavvikling er viktigast. Difor kjem det farsthump og blir nytta trafikkvakter ved to fotgjengarfelt i Mobergsbakken(skuleveg).

Så vonar vi at osingar og andre kan bere over med at køyretida blir noko lengre desse fire månadene.

Kari Bremnes

Byggeleiar i Statens vegvesen