Konsert i Fusa kyrkje
I morgon vert det konsert i Fusa kyrkje. Blant aktørane er Hanna Øygard, Shofar, Credo, Strandvik blandakor, Iman de Zwarte og Holmefjord musikklag, så det vert eit variert program med brass - song - orgel - piano. Anders Holmefjord har skrive ein del av songane som vert framførte.
Denne konserten har gratis inngang, men det vert høve til å gi ein kollekt. Og gåvene vert delt mellom to gode føremål. Halvparten går til eit av soknerådet sine prosjekt, hjelp for brannskadde born i Sør-Etiopia. Den andre halvparten går til Helga Holmefjord og Rod Lobough sitt arbeid innan undervisning og storbymisjon, der Manila står i fokus dette året.
Artikkelen held fram under annonsen.
Fusa sokneråd vonar mange finn vegen til denne konserten.
Både før og etter vert det kafésal i kyrkjelydsalen med masse godt å velja i.
Viser elles til annonsa i onsdagsavisa.
Fusa sokneråd