— I Fusa har ei søppelfylling blitt ein turistattraksjon

– Bortskjemte drittungar, seier Eivind Rosvold når han vert spurt kva han synest om folk som ikkje likar fisk.

Det er reine ord for pengane når Eivind Rosvold, aka DJ Fusa, og Veronika Wilhelmsen, FAU-dronninga frå Hegglandsdalen, stiller opp i Kvinneforeningens aller fyrste Bygderåd.

– I Fusa treng vi ikkje hundeposar. Vi har så mykje plass at hundane drit overalt. Vi har til og med ei søppelfylling som har blitt ein turistattraksjon, seier Rosvold.

I dagens episode drøftar Bygderådet korleis ein kan sleppa unna å eta fisk med æra i behald og kva ein gjer om ein får ein vegetarianar, eller til og med ein veganer, på middagsbesøk.

Du får også ei grei innføring i hundebæsj-handtering og bruk av dokost på offentlege toalett.

anne-marie@osogfusa.no