annonse

Lager namnebyte-konkurranse

UROF
UROF: Frida Solhein og Lilly-Mae Grønvigh i UROF. (Foto: Arkiv/Camilla Kvamme)

Ung Rock i Os og Fusa (UROF) håpar på mange og gode forslag når dei no skal skifta namn.

Benjamin Søgnen Olsen

– Vi vel å byta namn ettersom vi ønskjer å bli meir inkluderande og inkludera fleire sjangrar og stader i Hordaland. Det skal ikkje lenger vera hovudfokus på rock i berre Os og Fusa, skriv Lilly-Mae Grønvigh i UROF til Os & Fusaposten.

Namnekonkurransen går føre seg på Facebook-sida til UROF. Personen med det beste forslaget vil bli premiert, skriv dei. Fristen for forslag er sett til 7. april.

Arrangerer konsert

Neste helg skal UROF arrangera konsert i samarbeid med U82-huset i Åsane.

– Konserten går av stabelen i U82-huset i Åsane. Vi har fått sjølvaste TØFL som headliner. Apollo Qult, Blooming Bruises, Sleepwalkers og Amnesia skal også spela. Dei som ønskjer meir informasjon kan sjekka ut arrangementet på Facebook, skriv Grønvigh.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut