Ammunition og Åge Sten Nilsen. (Foto Svein Finneide)
Ammunition og Åge Sten Nilsen. (Foto Svein Finneide)

Nytt band klar for Osfest

Åge Sten Nilsen sitt band Ammunition kjem til Osfest. – Sten Nilsen har ein av Noregs største stemmer, skriv Tor Egil Hylland i ei pressemelding.

– Dersom Mötley Crüe og Guns N’ Roses hadde fått eit kjærleiksborn, ville det ha vore Ammunition – høgoktan rock & roll, med kraftige vokalar og skrikande gitarar – som skapt for Sunset Strip i West Hollywood, skriv Hylland i pressemeldinga.

Rockefest utanom det vanlege

Åge Sten Nilsen har i over ti år reist land og strand med The Show Must Go On, basert på musikken til legendariske Queen. No er han klar for ein runde med eigenprodusert rock.

Artikkelen held fram under annonsen.

– Ammunition sitt nye album har hausta utruleg kritikk verda over, og er alt blitt hylla som ein sterk utfordrar til årets plate i kategorien melodic rock av britiske Powerplay Magazine. Også anerkjende Classic Rock Magazine gjev Ammunition strålande kritikk (8/10) og skriv at “the first great album of 2018 has arrived”. Osfest er stolt over å kunna invitera vårt publikum på ein rockeaftan utanom det vanlege fredag 10. august, skriv Hylland.