Sjeldant vakker 17. mai-feiring

Feiringa på Osøyro vart fullkomen . Sjå stor biletserie frå toget og programmet!

Russ, born og vaksne storkoste seg på det som vel må kallast tidenes 17.mai-feiring på Osøyro. Sola skein frå skyfri himmel, utan at temperaturen vart for høg for dei bunadskledde. Nasjonalsongen og Os-songen vart sunge av full hals, medan Eirik Søfteland viste seg frå ei rolegare side, med songar som «Smile». Kultursjef Lisbeth Axelsen gratulerte i same slengen osingen med andreplassen i «Århundrets stemme».

Tematiserte kommunesamanslåinga i 17. mai-talen

Journalist i Os og Fusaposten, Anne-Marie Aarøen Vangsnes, heldt årets hovudtale på Osøyro. Ho heldt ein morosam tale som fekk publikum til å le både ein og to gonger. Blant anna samanlikna ho sitt eige ekteskap med «ekteskapet» som Os og Fusa no skal inngå.

- Det må nok seiast at eg var Fusa og han var Os. Det viste seg at Bjarne trengte min praktiske sans. Og på same måte treng Os og Fusa kvarandre, sa Aarøen Vangsnes.

Send inn bilete

Russepresidentane Jenny Lundervik Sælen og Sukanya Sarasiri fekk æra av å avrunda samlinga på kyrkjeflaten med sine talar. Dei fokuserte på avslutninga på skulegangen dei no står framfor, og la vekt på alt dei hadde lært gjennom skulegangen.

Etter på var det meir feiring i krinsane. Send gjerne inn dine beste bilete frå feiringa til oss! Epost-adressa vår er:post@osogfusa.no eller bruk instagram ogmerk bileta med #osogfusaposten

ol@osogfusa.no