Kva har skjedd i Jetteskogen vår?
Sidan i vår har det vore sprenging og graving på nabotomta til Jettegryto barnehage i Eikelandsosen. Men kva held dei eigentleg på med? Torsdag vitja barnehageborna anleggsområdet.
Då inviterte prosjektleiar Ranveig Næss hjå Kjosås Maskin AS born og personale i barnehagen til omvising på området.
- Næss viste og fortalte at vi får nye vegar, og ny stor idrettshall som nabo til barnehagen, skriv styrar i Jettegryto barnehage, Kjellaug Skage Raunsgard, i ein e-post til Os og Fusaposten.
Artikkelen held fram under annonsen.
Sidan i vår har borna i barnehagen kunna følgja med på sprenging, graving og store maskinar på nabotomta.
Torsdag i førre veke fekk borna utforska området, og sjå dei store maskinane på nært hald. Dei fekk til og med sitja inne i gravemaskinane og dumparane
- Til slutt fekk vi bollar og saft som smakte godt. Tusen takk til Ranveig og alle maskinførarane som tok seg tid til å visa oss rundt. No vert det spennande å følgja med på det vidare arbeidet i haust og vinter, skriv små og store i Jettegryto barnehage til avisa.
