Laks, laks og meire laks
Regnet dei siste dagane har sett fart i laksefisket i Oselvo. Med unntak av laksen Kjell Morten Søvik fekk på tørr elv i forrige veke har det ikkje blitt tatt laks før det for alvor losna måndag denne veka.
Leif JUvik
Først var det Remi Bårtvedt som slo til. I løpet av to timar fekk han to fine laksar - ein på 3,5 og ein på 5 kilo. Dermed var det "raudt kort" på han. Fiskereglane for elva seier at ein max får ta to laks for dagen.
Artikkelen held fram under annonsen.
Neste mann ut var Tore Engelsen Moberg. 6,1 kilo var laksen han fekk måndag kveld.
Gode utsikter
Det gode fisket held fram tysdag. På morgonen slo Stig Gram-Knutsen til med to laksar mellom tre og fire kilo, og dermed var det "raudt kort" på han òg.
Om vermeldingane slår til framover er det gode sjansar for at det gode fisket held fram utover i veka. Oppdatert laksebørs finn ein på www.scanatura.no, under laksefiske/fangstrapport/oselvo,
