Åtvarar mot bruk av omreisande austeuropearar
I løpet av det siste døgnet har politiet fått melding frå fire ulike firma som har hatt ubehagelege opplevingar med tre personar som dei meiner er austeuropearar.
Personane har oppsøkt firma i Os og tilbydd slipetenester for verktøy.
– Det er blitt avtalt pris på 10.000 kroner den eine dagen, men når dei kjem attende neste dag for å levera tilbake utstyret, krev dei ein mykje høgare sum som 70.000 kroner, skriv politioverbetjent Audun Hadler-Olsen i ei pressemelding.
Artikkelen held fram under annonsen.
Vidare skriv Hadler-Olsen at politiet åtvarar sterkt mot bruk av tenestene, og at aktørane er useriøse i pengeoppgjer og i si framferd.
– Personane skal ved oppmøte ha opptrådd svært truande og kome med trugslar mot tilsette i firma.
Personane køyrer ein sølvfarga, svenskregistrert Mercedes.
