annonse

Blir gratis Wi-fi på Osøyro

Fri nett-tilgang i Os
Fri nett-tilgang i Os: Næringssjef Daniel Skotheim gler seg over det aukande livet i Os sentrum. Til sommaren lovar han fri Wi-Fi over heile Osøyro. (Foto: )

Os kommune held fram med å betra fasilitetane i Os sentrum. Snart tilbyr dei gratis Wi-Fi for besøkande.

I årevis har dei jobba for «Liv på Øyro». På 17. mai kunne Os sentrumsforening og Os kommune gleda seg stort over rekordstort oppmøte av feststemnte osingar i sentrum. Mykje tyder på at opprustinga av Bydraget og dei nye restaurantane gjer at folkelivet vert stort også vidare utover i sommarsesongen.

Gratis teneste

For å gjera det endå meir attraktivt å ta turen til sentrum, lokkar Os kommune no med gratis Wi-Fi.

– Me har ferdigforhandla avtale med leverandør og reknar med å ha oppegåande teneste innan me når fellesferien, seier næringslivssjef i Os kommune, Daniel Skotheim.

Han legg til at nett-tilgangen sjølvsagt vert gratis, og at tenesta vil bli mogleg å kopla seg på i store deler av sentrum.

– Me jobbar med lokalisering av antenner. Kontraktane er signert, seier han.

Digital turistinfo

Enkel tilgang til nett-teneste i Os blir viktig også med tanke på å kunne serva turistar.

– Me tenkte lenge på å få ei lita turistinfo-avdeling i Torgbygget, dette er no sett litt på vent. I staden ser me litt på andre høve for å samla turistinformasjonen for Os på ein stad. Til dømes på ei nettside, i ein App, eller i trykka versjon. Det viktigaste er å samla informasjonen på ein stad, og gjera den tilgjengelig. Me pratar med FjordNorway og Visit Bergen for å høyra kva erfaringar dei har, så får me sjå kva det blir til her, avsluttar Skotheim.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut