Gjengen frå Os ungdomsskule starta raftinga ved Tøsdalsvatnet og «flaut» seg heilt ned til Hammaren.
Gjengen frå Os ungdomsskule starta raftinga ved Tøsdalsvatnet og «flaut» seg heilt ned til Hammaren.

Bodyrafting i Oselva kan anbefalast

Fredag heiv to 10. klassar seg uti ved Tøsdal og rafta seg nedover Oselva utan båt.

Det er så absolutt tid for å gjera noko nytt og artig i naturen. Med tropevarme og strålande sol fann lærarstanden og to 10. klassar ut at dei kunne ta ein nærare titt på Oselva ved å «rafta» frå Tøsdal til badeplassen ved Hammaren.

Men raftinga gjorde dei utan båt, eller kajakk.

Artikkelen held fram under annonsen.

– Du kan kalla det bodyrafting. I alle høve gjorde vi det, seier Kari Berge, lærar til klasse 10 C.

Halvanne times tur

Også lærar Rune Dahl og elevane hans i 10D var med på turen.

Elevane starta like ved Tøsdalsvatnet og «aka» seg nedover i elva, flytande i redningsvestar.

Gjengen samla før raftestarten.
Gjengen samla før raftestarten.

– Me var kledde i joggesko, slik at me lett kunne reisa oss og gå når me kom til grunnare område, fortel lærar Berge.

Ho anslår at dei brukte bortimot halvannan time på turen ned elva.

– Og dette kan anbefalast?

– Ja, det var til og med så kjekt at eg tok familien og nokre vener med på same turen dagen etter, ler lærar Berge.

kenneth.svenningsen@osogfusa.no