Brann i takkonstruksjon
Brannvesenet rykte i føremiddag ut etter melding om brann i ein takkonstruksjon i Storestraumen på Søfteland.
Årsaka skal ha vore varmearbeid med propangass på eitt av dei nye bustadprosjekta i Storestraumen. Arbeidarane hadde sjølv sløkkeutstyr og fekk raskt kontroll over brannutviklinga.
Brannvesenet har gått inn med varmesøkjande kamera for å sikra seg at brannen er sløkt.
Artikkelen held fram under annonsen.
Fana brannvesen vart også kalt ut, men returnerte når dei fekk melding om at situasjonen var under kontroll. Politiet etterforskar årsaka til at varmearbeidet førte til brann.
ol@osogfusa.no
