Brann i tørketrommel: – Dette viser kor viktig det er å vera til stades når ein brukar tørketrommelen
Det blei meldt om brann i ein tørketrommel i Kuhnlevegen onsdag ettermiddag. Heldigvis var det folk heime i huset.
– Det kom inn melding om brann i tørketrommel. Vi rykte ut til adresse og sende inn røykdykkarar som sløkte brannen. Ei kvinne blir sjekka av helsepersonell etter å ha pusta inn røyk. Vi ventilerer og sjekkar huset, fortel Arne Monsen i Os brann og redning.
Viktig å vera heime medan ein vaskar klede
Det ser ut til å vera avgrensa skade på huset etter brannen.
Artikkelen held fram under annonsen.
– Det kunne ha gått verre om ingen var heime. Ein bør aldri bruka tørketrommel, vaskemaskin og slikt om nettene når ein søv eller om ein er ute av huset. Dette er nok eit eksempel på kor viktig det er å vera til stades med slike apparat i gang. Om ein er heime, er i alle fall sjansen stor for at ein får stoppa det kjapt, seier Monsen.
