annonse

– Det er berre til å nyta dagen

Sola skin
Sola skin: I dag skal det bli strålande vêr. Det er berre til å nyta det, for det skal ikkje vara. (Foto: Benjamin Søgnen Olsen)

Vi har ikkje vore bortskjemte med flott vêr den siste tida. Torsdag ser ut til å bli strålande, men så er det på’an igjen.

Benjamin Søgnen Olsen

– I dag blir det flott vêr. Det er litt skyer på himmelen no, men det ser ut til å klarna meir opp. Temperaturen er på veg opp og ut på ettermiddagen kan det bli kring 18 grader, seier vakthavande meteorolog, Martin Granerød og legg til:

– Det gjeld å nyta dagen i dag for dei som ønskjer å sjå sola, for det kan bli lenge til neste gong.

Lågtrykk, skyer og nedbør

Fredag ser ikkje ut til å starta så aller verst. Ifølgje Granerød skal det ta til å regna anten på føremiddagen eller ettermiddagen.

– Vi kan få lange periodar med regn. Laurdag og søndag ser det ut til å bli ganske så vått, og det kan koma ein del vind, særleg laurdag – med vindkast på kring 20–25 meter per sekund. Det kan vera lurt å sjå til at eigendelar er sikra.

– Kva tid får vi sjå sola igjen etter i dag?

– I morgon tidleg, men etter det kan det vera ei stund til neste gong. Neste veke ser ut til å bli prega av lågtrykk, skyer og nedbør. Det kan gå over til bygevêr, slik at vi kan få gløtt av sol, men det er dagen i dag som gjeld om ein vil ha litt sol på seg, seier Granerød.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut