– Dette vil eg ha slutt på
Elise Tveit Sælen er berre åtte år, men det stoppar ikkje ho frå å meina noko om dei som kastar boss i naturen.
Etter ein tur langs Hatvikvegen for eit par veker sidan, bestemte Elise seg for at ho ønskte å skriva eit lesarbrev i avisa, i håp om å få slutt på forsøpling.
– Eg fann mykje rart langs vegen. Snusboksar, røykpakkar, papir og mykje flaskar, seier Elise og legg til:
Artikkelen held fram under annonsen.
– Det er ikkje lurt å kasta boss i naturen for då kan naturen bli øydelagt, ville eg ha sagt til dei som kastar boss langs vegen.
Her er lesarbrevet til Elise:
Eg har gått tur langs Hatvikvegen, og fann mange flasker, snusboksar og mykje anna boss. Dette vil eg ha slutt på. Ta med dykk bosset heim. Ikkje kast i naturen, skriv Elise Tveit Sælen (8 år)
