annonse

– Endeleg er vi her

Einaste optikar
Einaste optikar: Osingen Hans Bjørn Bakketeig er per dags dato den einaste optikaren i Moldova, men om fire år skal det bli fleire. (Foto: Arkiv)

Etter ti år med jobbing, kan Hans Bjørn Bakketeig endeleg sleppa jubelen laus. 17 studentar starta i dag på optikerutdanning i Moldova.

Benjamin Søgnen Olsen

Os & Fusaposten ringde Bakketeig i dag for å snakka om premieren på filmen «Mirakelet i Moldova», men merka kjapt at tankane hans ikkje var heilt i filmpremiere-banane.

– Eg held faktisk på å skriva tale. Eg skal halda opningstale for studentane om ein times tid, seier Bakketeig og ler.

– Det er 17 studentar som skal starta i dag. Det er ei flott gruppe i storleik. Nett no skriv eg: Eg er for tida den einaste optikaren i Moldova. Om fire år skal vi vera fleire, seier Bakketeig.

Senteret for internasjonal utdanning støttar utdanninga. Sjølve utdanninga er eit samarbeid mellom Hjelp Moldova og universitetet i Sørøst-Norge på Kongsberg.

– Det er universitetet som står bak sjølve utdanninga. Det er ei fireårig utdanning på eit svært høgt nivå. Endå betre enn vi har i Noreg, seier Bakketeig.

Det blir norske forelesarar, men opplæringa vil altså gå føre seg i Moldova.

– Studentane skal også koma til Noreg for å få opplæring. Dette er utruleg spanande. Eg har jobba ti år for å få til dette, og i dag er vi endeleg her, seier Bakketeig.

I første omgang er det utelukkande moldovarar på studiet. På sikt seier Bakketeig at det nok vil bli utvida med inntak frå Ukraina og andre land kring Svartehavet.

– Det finst ikkje noko studie som dette i Aust-Europa.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut