Etter å ha blitt tatt for promillekøyring, fortalde mannen at han hadde narkotika heime
Ein ung mann var tilsynelatande dønn ærleg med politiet etter å ha blåst raudt.
Søndag ettermiddag stansa politiet ein bil på Byvegen i Os. Føraren, ein mann i starten av 20-åra, blåste raudt, og blei teken med til legevakta for blodprøver.
– Mannen høyrer ikkje heime i Os, men i Bergen. Han fortalde politiet at han hadde narkotika heime. Patruljen reiste til bustaden og fann mindre mengde narkotika. Mannen er sikta for forholdet, fortel politioverbetjent, Anne Lyssand.
Artikkelen held fram under annonsen.
To meldingar om same bil
Søndag fekk politiet to meldingar om same bil. Meldingane gjekk på at vedkomande køyrde for fort i Halhjemsområdet.
– Det er ikkje ofte vi får fleire meldingar om same bil. Det blei også sagt at det var nære på at dei blei påkøyrd. Vi har fått registreringsnummeret, men førebels har vi ikkje snakka med føraren, fortel Lyssand.
