Fekk overrekt Norges Vel-medalje
Anny Samnøy og Karin Berge har begge fått overrekt Norges Vel-medalje for lang og tru teneste i Fusa kommune.
Dette vart markert 7. desember på Fusa bu- og behandlingssenter, der dei har hatt arbeidsplassen sin storparten av sitt yrkesliv, skriv Fusa kommune på sine heimesider.
Ordførar Atle Kvåle delte ut medaljar og ba jubilantane om å nyta pensjonisttida og ta vare på helsa.
Artikkelen held fram under annonsen.
Tenesteleiar Lene Tveit overrekte gåve, blomar og gode ord på vegne av kollegaer og arbeidsgjevar.
Fakta:
Det Kongelige Selskap for Norges Vel etablerte i 1888 Medaljen for lang og tru teneste for å synleggjera og verdsetja innsats i arbeidslivet.
Arbeidsplassar kan søkja om å få tildela medaljen til medarbeidarar som fyller kriteria.
jostein@osogfusa.no
