annonse

«Ferdamann» klar for vesle nyttårsaftan-konserten

Ferdamann
Ferdamann: Knut Gunnarson Haugland og gjengen i Ferdamann er klare for Nore Neset-hallen vesle nyttårsaftan. (Foto: Privat)

Osfest køyrer tradisjonen tru full fest på vesle nyttårsaftan. No er også «Ferdamann» klar.

– Dette er det andre bandet me har klare. Tidlegare har me booka «Gunslingers». No har me berre eitt band til å annonsera. Det kjem me ut med i november, seier Tor Egil Hylland i Osfest.

Bereist band

«Ferdamann» vart starta i 2000 av tekstforfattar og låtskrivar Knut Gunnarson Haugland. Bandet gav ut sitt første album i 2005. Plata vart kalla «Dagane» og låtane frå skiva vart spelt mykje på radiokanalane i Noreg den gongen.

Besetninga er etter kvart blitt litt skifta ut. Dagens «Ferdamann» består no av Jan Gunnar Rosseland på gitar, Frode Andreassen på trommer og Josten Fonnes på bass, i tillegg til nemnde Haugland.

Bandets andre album vart utgjeve i 2015 og var eit såkalla sjølvtitulert album kalla nettopp «FERDAMANN».

Bandet har spelt mykje rundt i Noreg og var sist og sjå på desse traktar under Tysnesfest no i sommar.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.