Over 80 % av formuesskatten tilfell kommunen. Og kommunen står heilt fritt til å setta ned skattesatsen, påpeikar Gisle Hesjedal (Ap).
Over 80 % av formuesskatten tilfell kommunen. Og kommunen står heilt fritt til å setta ned skattesatsen, påpeikar Gisle Hesjedal (Ap).

Formuesskatt

I snart 18 år har Høgre og Frp hatt reint fleirtal i Os, og i kvart einaste budsjett kunne dei endra formuesskatten om dei ville. Kvifor har dei ikkje gjort det?

”Børrea langa ut mot formuesskatten” kunne vi lesa i Os og Fusaposten 23. juni. Hotelleigar Børrea Schau-Larsen fortalte formannskapet om utfordringane formuesskatten byr på for Solstrand Hotel & Bad. Nokre dagar seinare kunne vi lesa at stortingspolitikar Kjersti Toppe besøkte Jarl Haugs møbelfirma på Søfteland. Haug som eig Vestlandske Heiltremøblar vert råka ekstra hardt av formuesskatten fordi firmaet hans treng store lokale til drifta si.

- Staten tek kvelartak på meg, sa Haug til Os og Fusaposten 28. april då avisa først skreiv om saka. Same dag var ordførar Marie Bruarøy (H) og varaordførar Laila Reiertsen (Frp) ute i avisa og sa at dei skulle undersøkja gjennom sine kanalar om det er råd å endra formuesskatten eller å fjerna han heilt. Sidan har det vore stilt frå dei. Det er kanskje ikkje rart, for svaret er ja, det er mogeleg å endra formuesskatten. Men sanninga er at Høgre og Frp i Os ikkje ønskjer å endra den.

Artikkelen held fram under annonsen.

- Frp har vore svært tydelege på at me ønskjer å fjerna heile formuesskatten. Men me skal bli einige med andre parti, seier Reiertsen til Os og Fusaposten, med tydeleg henvisning til forhandlingane på Stortinget om statsbudsjettet. Vel Reiertsen, i Os treng dykk berre bli einige med Høgre. Over 80 % av formuesskatten tilfell kommunen. Og kommunen står heilt fritt til å setta ned skattesatsen. I snart 18 år har Høgre og Frp hatt reint fleirtal i Os, og i kvart einaste budsjett kunne dei endra formuesskatten om dei ville. Kvifor har dei ikkje gjort det?

Gisle Hesjedal

Kommunestyrerepresentant

Os Ap