annonse

Full evakuering av Handlegårdenbygget

Tettpakka
Tettpakka: Det var tettpakka med folk utanfor Handlegården fredag morgon. (Foto: )

Røyk og lukt førte til full evakuering av Håndlegårdenbygget fredag morgon.

Kenneth Svenningsen

Det var tettpakka med folk i Brugata like før klokka 09.00 fredag morgon. Brannalarmen hadde gått og dei mange som jobbar, trenar, eller bur i bygget måtte ta seg ut på gata og nyta morgonkaffien der.

– Det er ikkje øving. Her er det andre grunnar til at alarmen har gått, sa ei kvinne i oransje vest.

Røyk og lukt

Ei annan kvinne konstaterte at det hadde vore svidd lukt og tilløp til røyk i gangen.

– Det er kanskje ikkje noko alvorleg. Mest truleg noko i sambane med arbeidet som pågår her, men likevel er det vel bra at me vert evakuerte for sikkerheits skuld, sa kvinna som jobba på tanlegekontoret i bygget.

Og ganske så rett. Brannsjef Stein Gjøsund fortel:

– Det var arbeid med betongblanding som sytte for at den automatiske brannalarmen vart utløyst. Våre folk har no tilbakestilt alarmen og alt er i orden, forsikrer Gjøsund.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut