annonse

Garanterer regnfri og varm 17. mai

Sol og varmt
Sol og varmt: Det verkar som russen og andre feststemte osingar og fusingar går ein flott 17. mai i møte på fredag. (Arkiv (Foto: Kenneth Svenningsen)

Meteorologen lovar regnfritt vêr og opp mot 20 gradar på 17. mai i Os og Fusa.

Kenneth Svenningsen

Det kan bli ein særs varm nasjonaldag for bunadstunge osingar og fusingar fredag. Ifølgje meteorolog Tone Christien Thaule snakkar me nær sagt om sommarvêr.

– Det blir veldig fint vêr. Kanskje ikkje heilt skyfritt, men i alle høve regnfritt.

– Det garanterer du?

– Hehe, ja, det trur eg at eg kan garantera.

Varmare og varmare

Dei neste dagane vil temperaturane stiga jamt. 17. mai blir den varmaste i denne perioden.

– Me ser no at den nattlege temperaturen går frå 5 til 8-10 gradar natt til 17. mai, og så reknar me med opp mot 20 gradar på dagen den 17., fortel Thaule.

Også for helga lovar det bra for solhungrige bjørnafjordingar.

– Det blir jamt over fint vêr, kanskje nokre små regnbyger ut på laurdagen, men for det meste opphaldsvêr og ein del sol, lovar meteorologen i Bergen.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut