annonse

Gav 10 mill. kroner for leilegheit i Irisgården

Til topps
Til topps: I april gjekk ein leilegheit øvst i Irisgården for rekordhøge 10 mill. kroner. (Foto: Øystein Lid)

Privatmegleren melder om at kvadratmeterprisen på 77.000 kroner er ny rekord i Os.

Øystein Lid

Husværet som er selt til 10 mill. kroner ligg på toppen av Irisgården.

– Husværet er 130 kvadratmeter stort. Så vidt eg veit om gjev kvadratmeterprisen på 77.000 kroner dette til prisrekord i Os, seier Arild Vikøyr hjå Privatmegleren.

At husværet ligg sentralt, ved sjøen med utsikt og gode solforhold, har truleg vore viktige faktorar for at prisen blei såpass høg. Salet fann stad i april.

Irisgården populær

Likevel er ikkje rekordsalet heilt eineståande. Berre veker før vart det lagt 7 mill. kroner på bordet for eit husvære i same komplekset på 93 kvm. Det gjev også 75.000 kroner i kvadratmeterpris.

Til samanlikning ligg kvadratmeterprisen i Bergen i snitt på ca. 45.000 kroner for husvære.

ol@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut