God opptakt til Os-kampen
Lysekloster heva seg etter onsdagens cup-kamp og slot Stord komfortabelt 4-2 borte søndag.
– Til liks med på onsdag hadde me det meste av spelet, men denne gongen skapte me meir sjansar og skåra fleire mål, seier sportssjef i Lysekloster Svein Kollen.
Han var svært nøgd med kampen.
Artikkelen held fram under annonsen.
– Gutane hadde god kontroll på kampen. Stord kjempa og kriga godt, men når me fekk ballen til å rulla sleit dei med å hengja med, seier Kollen.
Lysekoster var oppe i 3-0-leiing før heimelaget fekk redusert. Til pause stod det 3-1 til munkane.
To gigantar
Ifølgje Kollen var det to spelarar som utmerkte seg ekstra for laget hans.
– Kristoffer Østervold skåra to mål og var veldig god. Denis Ljobovic var konge i midtforsvaret og fekk også notert seg for mål i denne kampen, fortel han.
Nykomar Durim Muqkurtaj fekk debuten sin for munkane, og spelte høgre midtstoppar.
– Han var solid og gjorde ein god debut, skryter Kollen.
Klar for lokalderby
Med to sigrar og eitt tap så langt i sesongen er Lysekloster komne godt i gang med årets serie. Laurdag tek dei imot Os heime i Lysekloster Framo idrettspark.
– Det blir ein spennande kamp mellom to lag som har gjort det bra til no. Gutane våre gler seg. Det gjer sikkert Os-spelarane også, seier Kollen.
Artikkelen held fram under annonsen.
Lyseklosters målskårarar i denne kampen var i tillegg til Østervold og Ljobovic, Torvald Trætteberg
