Gut påkøyrt – etterlyser grå varebil
Politiet i Os etterlyser ein grå varebil i samband med at ein 10 år gamal gut vart påkøyrt i 19-tida måndag.
Hendinga fann stad i krysset Borgavegen/Hjellevegen måndag kveld.
Guten vart lettare skadd, og no etterlyser politiet ein grå varebil med ein mannleg sjåfør.
Artikkelen held fram under annonsen.
– Bilen skal ha kome frå Borgavegen, og køyrt frå staden etter påkøyrselen. Politiet bed den aktuelle sjåføren om å melda seg hjå Os lensmannskontor, opplyser politioverbetjent Audun Hadler-Olsen i ein e-post til avisa.
Politiet ønskjer òg å koma i kontakt med eventuelle vitne til hendinga.
camilla.kvamme@osogfusa.no
