annonse

Heider og medalje til Edel Margrethe

Sett stor pris på
Sett stor pris på: Ordførar Atle Kvåle og tenesteleiar Jorunn Gjøen sa i samband med overrekkinga av medaljen at Edel har vore ein god og lojal kollega som alle har sett stor pris på. (Foto: Fusa kommune)

Edel Margrethe Andersen har fått Norges Vel sin medalje for lang og tru teneste etter meir enn 30 år som tilsett i Fusa kommune.

Utdelinga fann stad under eit samkome på Baldersheim helsetun.

Ordførar Atle Kvåle og tenesteleiar Jorunn Gjøen sa i samband med overrekkinga av medaljen at Edel har vore ein god og lojal kollega som alle har sett stor pris på.

- Gjennom arbeidet sitt i heimetenestene har ho skapt ein trygg og god kvardag for brukarane ho har besøkt, skrytte ordførar og tenesteleiar.

Fusa kommune ønskjer henne alt godt vidare i ein ny kvardag som pensjonist, heiter det i ei pressmelding frå kommunen.

jostein@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.