annonse

Julehandelen auka

Spanande tid
Spanande tid: Senterleiar Vigdis Øvreeide gler seg til utvidinga av senteret. (Foto: Benjamin Søgnen Olsen)

Fjord´n Senter kan sjå tilbake på eit godt 2017.

Benjamin Søgnen Olsen

Senterleiar på Fjord´n Senter, Vigdis Øvreeide, kan konstatera auke i omsetnaden i fjor.

– Vi auka med éin prosent i fjor. Desember og julehandelen blei god og mange fekk auke i forhold til fjoråret. Vi er veldig nøgde, seier ho.

2018 kjem til å bli eit spanande år for senteret i Eikelandsosen.

– No gler vi oss til vi kan starta på nybygget og alt det inneber. Det blir også spanande og sjå utviklinga vidare, når dagens butikkar får høve til å utvida og det opnar seg opp mogelegheiter til å få inn nye butikkar. Per i dag er senteret heilt fullt, seier Øvreeide.

– Brett opp ermene og stå på

I dagens samfunn, med sterk konkurranse frå internett, er det ikkje alltid berre berre å driva butikk.

– Det krev mykje å driva butikk og eg vil takka alle som jobbar på senteret, som står på kvar dag. Samstundes er vi alle saman glade for alle som besøkjer Fjord´n Senter og som handlar hos oss. Det er berre til å bretta opp ermene og stå på vidare, seier Øvreeide.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.