annonse

Kan ha vore alarm-seljarar

Kledd i mørke klede
Kledd i mørke klede: Mannen som ville inn og sjekka røykvarslaren hjå ekteparet i Os var i 20-åra og hadde på seg mørke klede, medan han bar eit emblem kring halsen. (Foto: )

Mykje tyder på at dei «falske brannmenna» som har vore på dørene i bergensområdet og Os, er alarmseljarar.

Tidlegare denne veka skreiv Os og Fusaposten om eit ektepar i Os som meldte frå til politiet om ein uniformert mann som var på døra og ønskte å koma inn for å sjekka brannvarslaren.

Også i Bergen har det vore meldt frå om liknande episodar.

I ettertid har det vore antyda at det kan vera snakk om «falske brannmenn», altså tjuvar som har vore ute på rekognoserings-tur. Det treng ikkje vera tilfellet.

Beklagar

I fredagens utgåve av Bergensavisen vert det nemleg meldt om at eit alarmselskap har hatt folk ute på dørsal i område der det har vore klaga på desse «falske brannmenna». Selskapet beklagar sine tilsettes framgangsmåte, og seier vidare at dei vil gå gjennom rutinane sine for korleis seljarane deira oppfører seg når dei går rundt på dørsal.

kenneth.svenningsen@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut