(
(

Kasta snøballar på passerande biler

Fleire stader i Os blei det måndag rapportert om at nokon kasta snøballar på forbipasserande biler.

– Måndag ettermiddag og kveld skal det ha blitt kasta snøballar på biler ved AMFI Os, på Søfteland og i Lysefjorden. Den eine staden er det 70-sone. Snøballar som er kramme, fuktige eller tunge, og blir kasta i ei 70-sone, kan føra til skade på frontrute og forårsaka trafikkuhell, seier politioverbetjent Rune Fimreite og held fram:

– Eg vil oppmoda foreldre til å snakka med borna sine om potensielle farar ved dette.