annonse

Lesarbrev: Frp satsar på vedlikehald

Råkar alle
Råkar alle: Som vi veit frå Fusa, råkar dårlege kommunale vegar alle som nyttar dei kvar dag året rundt. (Foto: Illustrasjon)

Vedlikehald er ofte undervurdert i politikken. Det gir ingen nye prosjekt å opne, ingen snorer å klippe. Bjørnafjorden Frp har likevel sett opp vedlikehald som ei av seks hovudsaker i dette kommunevalet.

Godt vedlikehald av bygg, veg og anlegg er viktig både for brukarar, tilsette og kommuneøkonomien. Om ein sviktar på vedlikehaldet i barnehagar, skular, bufellesskap og sjukeheimar, forringar det tenestetilbodet. Og kostnadene vert mangedobla når ein må i gang med større rehabiliteringar eller nybygg. Og som vi veit frå Fusa, råkar dårlege kommunale vegar alle som nyttar dei kvar dag året rundt.

I Os har vi auka fokuset på vedlikehald dei siste valperiodane. Vi har mellom anna prioritert vedlikehaldsfond til bygg, reasfalteringsfond, vedlikehaldsteam med eigne fagfolk og eigenregigruppe på veg, vatn og avløp. Dette vil Frp no utvida til heile Bjørnafjorden kommune.

Du veit frå privatøkonomien at dårleg vedlikehald av bil, båt, hus eller hytte forringar verdiane dine. Slik må vi også tenkja i kommunen. Vi må ha kapasitet både til planlagt vedlikehald og uføresette hendingar. Bli med oss i å slå eit slag for betre vedlikehald av kommunale bygg, vegar og anlegg i Bjørnafjorden - stem Frp lokalt!

Terje Søviknes

Ordførarkandidat

Bjørnafjorden Frp

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut