annonse

Lesarbrev: Tusen takk, Terje!

Nøgd med mykje
Nøgd med mykje: Bjørg Randi Lekven meiner me har mykje å takka Terje Søviknes for. - Han har gjort mykje for Os, seier ho. (Foto: Kenneth Svenningsen)

Eg vil seia tusen takk til ordføraren vår, som har gjort så mykje for bygda vår, skriv Bjørg Randi Lekven.

No når Terje Søviknes må gå av, så er eg berre veldig glad for det me har fått. Eg kan nemna Oseana, det flotte kulturhuset vårt, Os Sjøfront, bubilparkeringa, og bølgjebrytarane som fungerer så flott.

I tillegg har me eit flott idrettsanlegg på Kuventræ, og for ikkje å snakka om Luranetunet med ny sjukeheim, bustader og tropehage.

Vil bli gamal i Os

Eg veit om fleire som har seld husa sine i Bergen fordi dei ville flytta hit og bli gamle i Os.

Eg har vore stolt over Terje Søviknes & co. Eg har vore stolt over å vera osing, og å bu i denne bygda der det skjer så mykje.

Lukka til med det du skal gjera, Terje, og eg håpar du kjem tilbake ved neste høve.

Bjørg Randi Lekven


Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut