Livet smiler til Lisbeth Fagerheim (43)
Etter å ha slite i lang tid med å i det heile få lærlingplass, er Lisbeth Fagerheim no i full jobb i Marine Fabrication i Industrivegen.
I januar skreiv Os & Fusaposten om Lisbeth Fagerheim, som hadde gjortalt ho kunne for å få lærlingplass, men ingen ville ha ho, sjølv om ho hadde betre karakterar enn dei andre elevane. 43-åringen følte seg diskriminert grunna kjønn og alder. I Os var det ei verksemd som fortalde at dei ikkje gav Fagerheim plassgrunna alderen. Sakene blei omtala i januar, og det skulle ikkje gå lang tid før det starta å lausna for Fagerheim, som hadde starta å tru at det kvilte ein forbanning over ho.
– Det skjedde ei utvikling kort tid etter at de skreiv om meg. Eg fekk arbeidspraksis gjennom NAV i Marine Fabrication. Det har gått bra, og eg jobbar no som tilsett hjå verksemda. Eg fekk tilbod ein kontrakt på eit halvt år i førsteomgang, seier Fagerheim.
Artikkelen held fram under annonsen.
Ser ut til å ordna seg
Då Os & Fusaposten vitja Fagerheim på jobb måndag, var ho i full sving i verkstaden.
– Eg kosar meg, og håpar at dette varer. Eg blir nok vurdert fortløpande, så eg er på ein måte her på prøve – enn så lenge. Skulle det vise seg å ikkje fungera, har eg i alle fall fått litt erfaring, seier Fagerheim, som var oppteken med å sveisa på ein fôrsilo.
– Eg har fått sveisesertifikatet. Eg tok kurs for å koma i mål med det. No held eg på med ein fôrsilo som skal til eit fiskeoppdrettsanlegg. Eg sveisar vertikalt, liggjande, ståande og sitjande, seier ho og ler.
– Det var nok mange som trudde at eg ikkje kom til å klara dette, men no ser det endeleg ut til å ordna seg.