Mobil overnatting med sjøutsikt
Laurdag ettermiddag rulla eit flett nytt overnattingstilbod inn på parkeringsplassen ved turistinformasjonen på Osøyro. Podtown vert konseptet kalla.
Eirik Kalve, som er dagleg leiar i Podtown, fekk elddåpen sin på Tysnesfest førre helg. Det gjekk over all forventning. «Podtellet» var fullbooka.
No står Osøyro for tur, og «podtellet» som er plassert mellom Esso-stasjonen og turistinformasjonen, vert ståande til 30. september.
Artikkelen held fram under annonsen.
Kalve fortel at han har 11 slike «podtell» med plass til til saman 176 gjester.
– Det er eit testprosjekt, seier Hans Parnefält i Os Travel.
– Vi har allereie fått bookingar for juli, august og september, og det før vi i det heile tekne opna for booking, legg han til.
I «podtellet» som er plassert på Osøyro er det åtte doble «poddar». Alle «poddane» har vinduage med sjøutsikt, men vert du lei utsikta kan du streama filmar og TV-program frå mobilen din.
Ideen om å etablera Podtown fekk Kalve då han mangla overnatting på Tysnesfest for to år sidan. Visjonen til verksemda er ifølgje nettsida deira å tilby plassbesparande mobile overnattingsløysingar, samt å bidra til å heva kvaliteten og tryggleiken på alle slags arrangement slik at gjestene får eit komfortabelt opphald og ønskjer å venda tilbake.
«Podtella» til Kalve vert også å finna på Kalvåg Kystfestival og Raumarock i byrjinga av august.
camilla.kvamme@osogfusa.no
