Politiet ønskjer tips etter tjuveri frå Sprek og Blid
Ein mann gjekk inn på Sprek og Blid tysdag kveld – tok med seg ein bag frå herregarderoben – og gjekk ut igjen.
– Vi har sett på overvakingsvideo. Det er ein mann som kjem inn i resepsjonen før han går rett inn i herregarderoben. Litt etter kjem han ut med ein bag og går ut av treningssenteret, fortel politioverbetjent, Audun Hadler-Olsen.
Det blei meldt frå om forholdet kring klokka 18.30 tysdag kveld.
Artikkelen held fram under annonsen.
Treng tips
Bagen som vedkomande tok med seg høyrer til ein mann som var og trente på senteret.
– Vi er ute etter opplysningar. Vi ser etter ein mann med mørkt og relativt kort hår. Han hadde på seg ein svart jakke og ein raud/rosa bukse, og svarte joggesko med kvit sole. Det er vanskeleg å slå fast alder ut frå bileta, men det er snakk om ein vaksen mann.
