Populær turmarsj feirar 25 år på søndag
Fredag opnar dørene til Ole Bulls villa, og på søndag går Lysøen Rundt av stabelen for 25. året på rad.
– Vi er klare til å opna dørene til ein ny sesong på eventyrøya til Ole Bull, seier kommunikasjonsrådgjevar i KODE, Anette Basso og held fram:
– Lysøen Rundt er blant sesongens høgdepunkt. Turmarsjen plar samla mange menneske på Lysøen, eigentleg uansett vêr–men vi håpar sjølvsagt på gode forhold og prognosane ser ikkje så verst ut.
Artikkelen held fram under annonsen.
Ny rekord?
Vidare fortel Basso at turmarsjen har vore like populær heile vegen, med mellom 400 til 1.000 deltakarar kvart år.
– Rekorden er tett oppunder 1.000 deltakarar. Vêret kan spela inn, men folk er flinke til å møta opp uansett. Som sagt, ser det ut til å bli bra turvêr på søndag. Vi håpar på sol, seier ho.
– Og ny rekord?
– He-he. Vi får sjå, alle er i alle fall velkomne, seier Basso.
