Prisa for pensjonist-samarbeid
Os Turn fekk pris for årets pensjonisttiltak og er ny ambassadør for Eat Move Sleep.
– Hurra, vi vann prisen for årets pensjonisttiltak, jublar Elisabeth Nedrelid.
Ho er ein av eldsjelene i Os Turn og har i helga delteke på Kick Off for Eat Move Sleep på Ullevaal stadion. Frå Os deltok også Tore og Anette Kleppe, Endre Brenne og Solfrid Vernøy.
Artikkelen held fram under annonsen.
Idrettslaget fekk skryt for sitt gode samarbeid med Os pensjonistforening og arbeidet retta mot dei eldre i kommunen.
Nedrelid kan også fortelja at Os Turn er valt ut som ny ambassadør for Eat Move Sleep.
– Vi kjem tilbake med meir informasjon om kva det vil innebera, seier ho.