annonse

Rekordmange førehandsrøysta

Mange røysta tidleg
Mange røysta tidleg: Stadig fleire vel å røysta før sjølve valdagen. (Foto: Øystein Lid)

Aldri før har så mange osingar valt å røysta før sjølve valdagen. Os ligg også over landssnittet.

Øystein Lid

Simen Soltvedt i Os kommune opplyser at 4.298 personar valde å stemma før 11. september. 
– Det er ganske solid auke frå 2013, då 3.165 personar valde å gjera det same, seier Soltvedt.

I 2013 var det 12.633 røysteføre. Rundt 25 prosent av desse valde den gongen å røysta tidleg. 

I år har talet røysteføre osingar stige til 13.842. Det tyder at 31 prosent av dei røysteføre førehandsrøysta. I 2013 var valframmøtet i Os på 80,9 prosent. Dersom ein går ut frå at det blir tilsvarande oppmøte i år, vil førehandsrøystene utgjera 38 prosent av det samla røystetalet.

Kvar fjerde røyst i Fusa

I Fusa røysta 705 personar før fredag. Nokre seint innkomne er ikkje tekne med i dette talet, og vert talde opp etterkvart. Totalt røysteføre i Fusa er 2792 personar.  Rundt 25 prosent var dermed førehandsrøyster i Fusa.

Ein nasjonal trend

ABC Nyheter kunne melda på laurdag at over ein million nordmenn førehandsrøysta, eller 27,3 prosent av dei røysteføre i landet. Dermed vart rekorden frå 2013 galant slått også for landets vedkomande. Valforskar Anders Todal Jenssen uttaler til avisa at det ikkje nødvendigvis tyder på høgare valdeltaking totalt sett.
– Eg trur rett og slett mange ser det som praktisk, uttaler han. 

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut