Roarar med spenst
Os Roklubb deltok denne veka i Osmeisterskapen i hopp. Fleire hoppa seg til medalje.
– Me vil takka friidrettsgruppa til Os Turn for eit supert arrangement, og at vi får lov til å delta, seier rosjef i Os Rokubb, Eirik Vevatne.
Det er tredje året på rad at klubben stiller på dette arrangementet.
Artikkelen held fram under annonsen.
– Arrangementet kom på eit tidspunkt der dei eldste roarane i klubben var opptekne med fysiske testar, så klubben stilte i år med litt få, men gode utøvarar, seier Vevatne.
Vann alle øvingane
Os Roklubb stilte med Emil Heidal Haugland og Eivind Vevatne i klassen for gutar 12 år.
Linn Kristin Vevatne deltok i klassen for rekrutt.
Det var veldig mange med i rekruttklassen, men Linn Kristin klarte seg supert. Ho persa i alle øvingane ho var med i.
Klubbkameratane Emil og Eivind konkurrerte i lengde, høgde og tresteg. Emil vann alle tre øvingane og fekk med seg tre gull. Eivind kom på andreplass i tresteg og høgde, og på tredjeplass i lengde.
– Oppsummert tok me med oss tre gull, to sølv og éin bronse. I rekruttklassen fekk alle deltakerne flotte medaljar. Som rosjef og trenar er eg stornøgd med innsatsen til våre unge deltakarar.
kenneth.svenningsen@osogfusa.no