Røykutvikling i bustad - rykte ut med fullt mannskap
Os brannvesen rykte ut med fullt mannskap etter melding om røykutvikling i bustad på Søfteland.
Varabrannsjef Arne Monsen fortel at dei rykte ut med fullt mannskap, tolv i talet. Framme ved bustaden vart det sendt inn røykdykkarar. Dei fann ein elektrisk gjenstand som brann i eit av opphaldsromma i huset.
- Det var mest røyk og lite flammar. Røykdykkarane fekk fjerna gjenstanden, fortel Monsen.
Artikkelen held fram under annonsen.
Han opplyser at eit vindauge var i ferd med å sprekka, og det kunne blitt full overtenning på grunn av den store varmeutviklinga inne i huset.
Huseigar, som var heime åleine, melde sjølv frå om brannen.
Dette er den tredje brannen i området på relativt kort tid.
jostein@osogfusa.no