Samla inn over 150.000
Osingane bidrog svært godt til Kirkens Nødhjelp sitt bistandsprogram for naudlidande i Afrika og Jemen.
Initiativtakarar til innsamlingsaksjonen var Øyvind Hæggland, godt støtta av Arvid Tveit, Liv Strømsvåg, Arne Mæland og diakon Ingrid Vik frå Os kyrkjelyd.
- Tilsaman er det samla inn 157.279 kroner dei to siste vekene av året, opplyser kyrkjeveje Gerhard Hansen.
Artikkelen held fram under annonsen.
Innsamlinga fordelte slik:
Solidaritetskonsert i Os kyrkje: kr 28.900
Offer i kyrkjene julaftan: kr 61.313
Gåve: kr 5.000
Bøsseaksjon/Vipps i Os 29. og 30. desember: kr 62.066
Kyrkjeverja nyttar høvet til å takka alle som var med og leggja til rette, artistar på konserten, deltakarar under innsamlinga og ikkje minst alle dei som gav pengegåve til Kirkens Nødhjelp.
jostein@osogfusa.no