annonse

Slått til riddar

Moldova
Moldova: Optikar Hans Bjørn Bakketeig slik vi er vane med å sjå han, i teneste for dei synshemma i Moldova. (Foto: Arkiv)
Fortjenstordenen
Fortjenstordenen: Denne medaljen vert snart festa til Hans Bjørn Bakketeigs bryst. Då vert han Ridder av 1. klasse. (Foto: Kjartan Hauglid, Det Kongelige Hoff)

HM Kongen har i dag tildelt Den Kongelige Norske fortjenstorden til optikar Hans Bjørn Bakketeig frå Os.- Stor stas, svarer Bakketeig.

I dag kom nyhenda om at osing og optikar Hans Bjørn Bakketeig er utnemnd til riddar av første klasse av den Kongelige Norske Fortjenstorden. Det skriv organisasjonen «Hjelp Moldova» på si Facebook-side.

Bakketeig vert heidra for sin årelange innsats for synshemma i Moldova gjennom nettopp organisasjonen «Hjelp Moldova».

– Dette var kjekt. Eg vart heilt satt ut då eg fekk vita det på fredag. Eg hadde rett og slett inga aning, seier ein glad Hans Bjørn som for tida er på familieferie i Tanzania.

Han fortel at kona Ingunn hadde ein liten mistanke på førehand. Både ho og yngstedottera var til stades då nyhenda kom fredag.

– Eg har ikkje den ringaste aning om kven som har anbefalt meg og tipsa Kongen. Men det er uansett ei utmerking eg set stor pris på og som skal delast med mange.

I fylgje kansellisjef Mette Tverli vil nyhenda om kort tid bli lagt ut på kongehuset.no.

Det er enno ikkje sett nokon dato for overrekkinga av medaljen.

anne-marie@osogfusa.no

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut