– Slik skal det ikkje sjå ut
Tilgrising av gjesteparkeringa i Hellebakkane i Lysefjorden har aldri vore eit problem – før no.
Ann-Elisabeth Eidebakken har budd i Hellebakkane i over 30 år. Ho har utkikk ned mot gjesteparkeringa, som også blir brukt av private i nabolaget til parkering av tilhengjarar, båtar og bilar. No har nokon også begynt å bruka parkeringa som bossplass.
– Eg har aldri opplevd dette. Slik skal det ikkje sjå ut. Det er veldig spesielt at folk kastar frå seg på denne måten, særleg i dagens samfunn kor det er så stort fokus på miljø og ein blir oppmoda til å plukka opp boss etter seg, seier ho.
Artikkelen held fram under annonsen.
Oppmodar til å rydda opp
For kort tid sidan blei det fjerna eit gamalt bilvrak som hadde stått på parkeringsplassen i lang tid. No ligg det papp, plastikk, målingsspann og målarutstyr strødd på staden.
– Eg vil oppmoda dei som har rota til å rydda opp etter seg, seier Eidebakken.