annonse

– Slik skal det ikkje sjå ut

Ikkje rydda opp
Ikkje rydda opp: Sist veke oppdaga Ann-Elisabeth Eidebakken mykje boss kring og på gjesteparkeringa for nabolaget Hellebakkane. (Foto: Privat)
Høyrer ikkje heime
Høyrer ikkje heime: Bosset som blei oppdaga sist veke, ligg der framleis. Eidebakken trur at noko av det har lege lenge, men noko blei lagt der nyleg. (Foto: Privat)
: ( (Foto: Privat)

Tilgrising av gjesteparkeringa i Hellebakkane i Lysefjorden har aldri vore eit problem – før no.

Benjamin Søgnen Olsen

Ann-Elisabeth Eidebakken har budd i Hellebakkane i over 30 år. Ho har utkikk ned mot gjesteparkeringa, som også blir brukt av private i nabolaget til parkering av tilhengjarar, båtar og bilar. No har nokon også begynt å bruka parkeringa som bossplass.

– Eg har aldri opplevd dette. Slik skal det ikkje sjå ut. Det er veldig spesielt at folk kastar frå seg på denne måten, særleg i dagens samfunn kor det er så stort fokus på miljø og ein blir oppmoda til å plukka opp boss etter seg, seier ho.

Oppmodar til å rydda opp

For kort tid sidan blei det fjerna eit gamalt bilvrak som hadde stått på parkeringsplassen i lang tid. No ligg det papp, plastikk, målingsspann og målarutstyr strødd på staden.

– Eg vil oppmoda dei som har rota til å rydda opp etter seg, seier Eidebakken.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut