annonse

Spår at pinseutfarten vil skapa problem

Vil nok bli kø
Vil nok bli kø: Politiet ventar at det i samband med pinseutfarten vil bli kø i retning ferjeleiet på Halhjem også i år. (Foto: Arkiv)

Tidlegare har det stått kø på E39 heilt frå Moberg til ferja på Halhjem. Politiet reknar med at det også i år vil oppstå utfordringar i samband med pinseutfarten.

Benjamin Søgnen Olsen

– Tidlegare år har vist at de i samband med pinseutfarten blir utfordringar med kø på E39 i retning Halhjem. Erfaringsmessig er det spesielt utfordrande for dei som bur på Halhjem/Bjørnen og skal heim, og dei som skal med ferja til Tysnes, seier politiførstebetjent Rune Fimreite.

For å gjera det beste ut av situasjonen, er det lagt opp til at kapasiteten nede på sjølve ferjekaien på Halhjem blir best mogleg nytta, og at billettering til Halhjem–Sandvikvåg ikkje berre skjer i billettbuene, men det blir også billettering på kaien og auka bemanning.

– I tillegg vil Fjord1 ved høve låna eitt eller to felt frå FosenNamsos for at køen utanfor ferjeleiet blir kortast mogleg, seier Fimreite og legg til:

– Ein oppmodar også bilistane som står i kø og skal til Sandvikvåg å halda seg heilt til høgre i køyrefeltet siste bakken frå Halhjem Kafé og ned til rundkøyringa ved ferjeleiet.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut