annonse

Store Jimmy på det store lerretet

Film om Jimmy
Film om Jimmy: Søndag er det førpremiere på Vildmarkens Søn, som handlar om Jimmy Øvredal, i Oseana. I romjula blir filmen vist på NRK. (Foto: Kieran Kolle)

Regissør Frode Fimland har fått følgja Jimmy Øvredal i fjellheimen i Øvredalen. Søndag blir resultatet vist på Oseana og i romjula blir programmet vist på NRK.

Benjamin Søgnen Olsen

– Kva finst i kløfta mellom røyndom og folketru? Sidan han var liten gut, har Jimmy Øvredal leika seg i fjellheimen i Øvredalen. Poeten, bonden, læraren og musikaren lever tett på fuglane og skapningane frå norsk mytologi, og tolkar naturen sine teikn kvar einaste dag, skriv produsent Elisabeth Kleppe i ei pressemelding.

Det er Frode Fimland, mannen bak filmane Søsken til evig tid og Søsken til evig tid – Amerikareisa, som er regissør for Vildmarkens Søn. Filmen blir vist søndag kveld i Oseana og tredje juledag på NRK.

– Kan det henda at Jimmy frå Os har forstått noko vesentleg om nærleiken mellom menneske og natur, som dei fleste av oss har gløymt, skriv Kleppe i pressemeldinga.

Dette er ikkje første gong Øvredal og Fimland jobbar saman. Øvredal har tidlegare stilt med sin ekspertise i NRK sin serie Ut i naturen.

Snart er det jul. I denne lenkja kan ein høyra om kva som er jul for Jimmy Øvredal. Då han vitja Os & Fusaposten kort tid før jul for to år sidan, tok vi ein lengre prat med han om nettopp jula.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.

Vil du ha nyheitsbrev frå Os & Fusaposten?

* må fyllast ut