Til finalen i lagtempo
Sverre Lunde Pedersen og det norske lagtempo-laget smadra Nederland og er klar for finale.
Anført av kaptein Sverre Lunde Pedersen gjekk det norske lagtempo-laget inn til siger og ny olympisk rekord med tida 3,37,08.
Nore slo nederlendarane med heile 1,38.
Artikkelen held fram under annonsen.
Bøkko innfridde
Veteran Håvard Bøkko vart byta inn på det norske laget etter at bergensaren Sindre Henriksen fekk store problem mot slutten av kvalik-løpet søndag. Dermed var det Sverre Lunde Pedersen, Simen Spieler Nilsen og Bøkko som utgjorde det norske laget i semifinalen mot Nederland onsdag føremiddag.
Strålande løp
Og veteranen Bøkko viste seg tilliten verdig. I lag med Sverre og Simen heldt Håvard solid høgt tempo, noko som førte Noreg til finale mot Sør-Korea.
Nederlendarane sleit også i kvaliken søndag. Sven Kramer måtte då nærast skubba Koen Verweij framfor seg mot slutten. Onsdag var Verweij byta ut med Patrick Roest, utan at det hjelpte mot Noreg.
kenneth.svenningsen@osogfusa.no
