Tiltalt for gjentekne slag mot hovud og kropp med ein trepinn
Valden den 20 år gamle mannen frå Os skal ha utøvd, resulterte i brot i underarmen, kuttskadar i hovudet og hevingar fleire stader på kroppen.
Saka mot 20-åringen har oppstart i Bergen tingrett 14. februar. Fredag 13. mai 2016 slo den tiltalte ein fornærma mann fleire gonger i hovudet og på kroppen med ein trepinn slik at fornærma fekk brot i høgre underarm, kuttskadar i hovudet og hevingar fleire stader på kroppen. I tillegg til valdsepisoden, er osingen tiltalt for fleire andre lovbrot.
Like forut for valdshandlinga, skal han ha brote seg inn i ein bustad ved å knusa glaset ved inngangsdøra. Tiltalte er også sikta for tjuveri av øl frå Rema 1000 Os i mars.
Artikkelen held fram under annonsen.
Køyrde i 70 km/t over fartsgrensa
20-åringen er også sikta for to brot på vegtrafikklova.
Tysdag 19. april kring midnatt i Fritz C. Riebers veg i Bergen, køyrde han ein personbil i 151,56 km/t. Fartsgrensa på staden er 80 km/t. Tre dagar seinare blei han stoppa på Lyseklostervegen utan gyldig førarkort.
Tiltalen omfattar også fleire brot på straffelova. I tillegg dei overnemnde, er han også sikta for ruteknusing og drapstruslar. I samband med drapstruslane skal den tiltalte ha brukt både ecstasy og hasjisj.
