annonse

Tok innpå eitt poeng

Skåra mål:
Skåra mål: Stian Dyngeland skåra for Lysekloster i dag, men det var ikkje nok til å sikra munkane tre viktige poeng. (Foto: Dagfinn Breivik)

Serieleiar Brattvåg tapte overraskande borte mot Spjelkavik tidlegare i dag. Lysekloster fekk dermed høve til å ta innpå tre poeng, men det blei ikkje full pott borte mot Herd i dag.

Benjamin Søgnen Olsen

Herd hadde ikkje tapt på to år på heimebane då Lysekloster kom på besøk i dag. Den rekkja held fram også etter at munkane har reist heim. Heimelaget tok leiinga ved Patrick Hjelmseth, eit mål som skal ha vore ei kanonkule frå 25 meter som suste inn i motsett hjørne. Leiinga til Herd varte berre to minutt. Lysekloster-spelar Stian Dyngeland kom åleine mot keeper fem minutt før pause og gjorde ingen feil.

Null mål etter pause

Ifølgje liveoppdatering frå kampen, var det Herd som var nærast å ta sigeren i andreomgang. Dei køyrde på mot slutten av kampen, men det blei med eitt poeng til kvart av laga. Lysekloster står med to sigrar, to uavgjorte og to tap etter sommarferien, og må betra poengsankinga for å ha håp om å rykkja opp. Men enn så lenge held Lysekloster følgje med Brattvåg, som heller ikkje har imponert etter pausen i sommar. Dei står med tre sigrar og tre tap på dei seks kampane. Neste kamp for Lysekloster går heime mot Aalesund 2 tysdag 19. september.

Klikk for å sjå kommentarar ()

Her kan du fritt koma med synspunkt og informasjon. Me krev fullt namn. Då blir det meir interessant for andre å lesa det du skriv. Trakassering, truslar, hatske meldingar eller reklame er ikkje godteke på osogfusa.no. Falske profiler blir utestengde. Ver sakleg og vis respekt når du kommenterer.