Tok rusa mopedist

Utrykningspolitiet (UP) stansa ein mopedist på Ulvensletta i går grunna mistanke om køyring i rusa tilstand.

– Mopedisten blei stoppa kvart over seks onsdag kveld. Dei utførte ein narkotika test på sjåføren, som er ein mann i 40-år. Testen viste utslag av narkotika. Mannen blei teken med til legevakta for utvida blodprøvetaking. Vedkomande er meldt for køyring utan gyldig førarkort og køyring i rusa tilstand, fortel politioverbetjent Audun Hadler-Olsen.